Fermandarîya Pêroyî ya YPJyî derheqê 8ê Adare Roja Cinîyan ê Kedkeran  a Dinya de eşkerayîyêke daye û nê vatî:

''8ê Adare xoverdayîşê Clara û Rosayan cinîyan rê sey mîrasêkê girdî mend. Xoverdayîşê Clara ra heta têkoşînê Sara tarîxê cinîyan merhaleyê neweyî ravêrnayî. 8ê Adare her serre hîna mana dano têkoşîn û rêxistinbîyayîşî. Têkoşînê ma yê Şorişê Rojawanî zî destkewteyanê 8ê Adare ra yew o. Vera zîhnîyetê camerdê serdestî çeteyanê DAÎŞî têkoşînêko biheybet ame dayene. Bi ruhê hemrayanê ma Ronahî, Zîne, Sara, Amara, Dilovane û dayîka Aqîde û bi ruhê  abîdeyê rindîye  hemra Hevrîne ma sozê girdkerdişê têkoşînî newe kenê. Ma roja cinîyan ê şerwananê xo yê ke cephe de têkoşîn kenê û ê heme cinîyan bimbarek kenê.''