Hemsereka verêne ya TEV-DEMî  kampanyaya îmzayan a ke Înîsîyatîfê Şarî yê Rojawanî 2 mengî verî dabî destpêkerdene ser o ANFyî rê qisey kerd.

Cegere bale ante ser ke şar nêwazeno PKK mîyanê lîsteya terorî de bimano û bi coşî tewrê kampanya beno. Cegere vist vîrî ke Rojawan de heta nika 1 mîlyonî ra zêdêr îmzayî vera qedexeyê serê PKKyî arê dîyayî.

Cegere vat: ''PKKyî Rojawan û Şingal DAÎŞî ra pawitî.  Sere de TEV-DEM, Têgêrayîşê Ciwananê Şorişgêran û Yewîya cinîyan ê Ciwanan pêro beşê Rojawanî paştî danê kampanya. Şar na lîste de cakerdişê PKKyî sey bêedaletîye vîneno. Dewleta tirke bi vateyê 'PKK terorîst o' hêrişê kurdan û Kurdîstanî kena. Dewleta tirke kamca de kurdî estbê sey terorîstan înan vînena û hêrişê ci kena.Her kes zaneno ke pê waştişê dewleta tirke PKK mîyanê na lîste de ameyo cakerdene.

Ma çarçewa kampanya de Rojawan de standî akerdî, xeymî akerdî, çalakîyê Kitabxaneyê Gerokî dayî destpêkerdene. Komun, meclîs, dezgeh, rêxistin û namdarî mîyanê na kampanya de ca gênê. Şar PKK sey îradeyê xo temsîlkarê xo, hêzê xo yê pawitişî vîneno û zaneno ke PKKyî seba şarê xo bi hezaran şehîdî dayî. Şar seba Rayber Apoyî, yewîye, wayûbiratîye, seba projeyê Neteweya Demokratîke û azadîya şaran wazeno PKK mîyanê na lîste ra bêro vetene û Rayber Apo bêro azadkerdene.''