Zelale Ceger: Şoriş sayê Abullah Ocalanî ra payan ser o yo

Hemsereka TEV-DEMî Zelale Ceger pare kerd ke kes nêeşkeno raştîya Rayberê Şarê Kurdî y Rojawan û Sûrîye înkar biker û vat: ''Sayê ey ra Rojawan de şoriş payan ser o yo.''

Hemsereka TEV-DEMî Zelale Ceger pare kerd ke  5 hezar serrî pey pê paradîgmaya Rayberê Şarê Kurdî Abullah Ocalanî do Rojhelato Mîyanên newe ra bibo dergûşê şaristanîya demokratîke.

Zelale Ceger ANFyî rê qisey kerd.

Zelale îfade kerd ke semedo ke Rayberê Şarê Kurdî yewîya şaran, cuya hempare xo rê kerde esas hema zî beno hedef. Zelale ard ziwan ke Komployê 15ê Sibate ra dima kurdan têkoşînê xo kerd pîlêr ô dormeyê Rayberê Şarê Kurdî de adirî ra çemberêk viraşt.

Zelale vat: ''Şarê Rojawanî tim felsefeya Rayber Apoyî xo rê kerde esas. Şorişê Rojawanî netîceya keda 20 serran a Rayber Apoyî ya. Xêrê Rayber Apoyî ra ma eşkenê destkewteyanê xo bipawê û xêrê ey ra Şorişê Rojawanî payan ser o yo.Dewleta tirke ya îşxalkere şexsê Rayber Apoyî de hêrişê şar û têgêrayîşê ma kena. Nika zî hêrişê Başûr û Şingalî kena. Hêzê serdest û komplogerî fikr û paradîgmaya Rayberîye ra tersenê. La pey pê paradîgmaya Rayberê Şarê Kurdî Abullah Ocalanî do Rojhelato Mîyanên newe ra bibo dergûşê şaristanîya demokratîke.  Seba azadîya Rayber Apoyî ma zî sey TEV-DEMî pêro mesuldarî û wezîfeyanê xo anê ca. Her dezgehê ma seba ke wayîrê Rayber Apoyî vejîyo karê xo ano ca.''