Goreyê rojnameyê The Guardian seba ke tay merdimî vîrusê Korona ra merdî heman keyeyî ra yê zanyaran dest pê cigêrayîşêkê tesîrê genetîkî kerd.

Pisporanê genetîkî yê Kongs College yê Londonî ra Tim Sepctorî komêke reyde dest pê cigêrayîşê naye kerd. Goreyê cigêrayîşî tesîrê vîrusê Korona merdiman de goreyê rewşa înan a genetîke vurîyeno.

Pisporan eşkera kerd ke merdimêk goreyê rewşa xo ya weşîye, sîstemê xopawitişî yê leşî vera vîrusê Korona xo ver dano û bale ante wezîfeyê her di faktoranê bi genetîkê merdiman ser. Cigêrayîş doneyanê bernameyê bi nameyê ''Covid-19 Symtom Tracker'' ame kerdene û ame tesbîtkerdene ke se ra 50ê semptoman genetîk ê.

Îngilîstan de tewr tay di serebûtanê cîyayan de waye û bira yê ke cêwî bîyî, mîyanê çend rojan de merdî.

Pisporî vanê babeta mergê waye û birayan de beno ke faktorêko bîn bêro dîyene. Goreyê cigêrayîşî, merdimê ke wayîrê heman genetîk ê û heman cayêk de yê mirenê.