Seba 15ê Sibate xeylêk bajaran de operasyonê qirkerdişê sîyasîyî ameyî viraştene. Sereştişan de Amed de 20, Wan de 47, Dêrsim de 10 kesî ameyî destbendkerdene. Reyna Mêrdîn, Mersin, Anqara û Îstanbul de zî bi desan kesî ameyî destbendkerdene.
Operasyonê qirkerdişê siyasîyî de 24 saetan de bajaranê cîya cîyayan de bi desan kesî ameyî destbendkerdene.
Nameyê kesanê ke Amed de ameyî destbendkerdene tayî wina yê: Îdarekarê HDPyî yê Amedî Îrfan Soner, hemserekê HDPyî yê Baglarî Mehmet Atlihan, hemserekê HDPyî ya Yenîşehîrî Sadrettîn Kaya, endamê DÎKî Mele Yusuf Andan, îdarekarê DBPyî yê Baglarî Alî Alkan, îdarekarê HDPyî yê Baglarî Abdulah Dengiz,endamo verên ê Meclîsê Şaredarîya Baglarî Rifat Turfan, îdarekarê HDPyî yê Amedî Mele Abdullah Arkan, Hasan Çîçek, Mehmet Ozçelîk, Fuat Oner, Haci Eroglu, Halîs Tektok û Îlknure Meygîl.
Reyna keyeyê îdarekarê HDPyî yê Baglarî Fattulah Işiktaşî zî ame sereştene seba ke Işiktaş keye de nêbi nêame destbendkerdene.
Operasyonê qirkerdişê sîyasîyî yê ke seba 15ê Sibate ameyî viraştene de Amed de 20, Wan de 47, Dêrsim de 10 kesî ameyî destbendkerdene. Reyna Mêrdîn, Mersin, Anqara û Îstanbul de zî bi desan kesî ameyî destbendkerdene ke hûmara înan nêameye tesbîtkerdene.
