Çalakîya roniştişî ya vera îşxalî şaristanê Strasbourgî de hewteyê 3. de dewam kena. Panelan de Mezopotamya de vejîyayîş û vilabîyayîşê Îslamî û qirkerdişê vera bawerîyanê Rojhelatê Mîyanênî ameyî ercnayene.
Çarçewa Hemleya 'Vera îşxalî her ca Avaşîn, Metîna û Zap o, wext wextê azadîye yo' de rayberîya TJK-E û KCDK-E de şaristanê Strasbourgî yê Fransa de 3 hewte yo çalakîya roniştişî yena kerdene.
Çalakîye de dezgehanê bawerîye FEDA, CÎK, Koordînasyonê Êzidîyan ê Ewropa, MARDEF û dezgehê cinîyî, TJK-E panelî kerdî.
Derheqê tecrîdê Îmraliyî, hêrişê îşxalî yê dewleta tirke, grevê vêşanîye de dosyayî hetê çalakîkeran ra teslîmê temsîlkaranê Îtalya, Belçîka û Luksembourgî ameyî kerdene.
Çalakîya vizêrîne de pê beşdarîya Hemserekê FEDA Demîr Çelîkî pê serrnameyê 'Qirkerdişê Babek, Mazdek, Babaî, Şahkulu, Celalî, Koçgirî, Sêwas, Gazî' panel ame kerdene. Panel de qirkerdişê sîstematîkî yê vera elewîyan ê ke Îslamî ra dima qewimîyayî ameyî nîqaşkerdene.
Panelî ra dima bi kurdkî û tirkî kilamî ameyî vatene.
