Çewlîg de xebatê weçînayîşî yê Partîya Çep a Keske bêmabên dewam kenê. Partîya Çep a Keske Çewlîg de bi namzetanê xo Cemîle Turhalli Balsak, Faruk Aris û Omer Faruk Hulaku kewena weçînayîşan.

Ewro namzetanê Çewlîgî yê partîye qezayan de esnafî zîyaret kerdî û roşanê şarî pers kerd.

Namzete Cemîle Turhalli Balsak qezaya Bongilanî de esnafî û şarî zîyaret kerdî û goş na meseleyanê înan ser. Cemîle dima zî qezaya Dara Hêni de cinîyî zîyaret kerdî. Cemîle tîya de qisey kerd û ard ziwan ke hêvîya înan pê cinîyan û Çewlîgî zaf a.

Namzet  Omer Faruk Hulakuyî qezaya Sancaxî zîyaret kerde û roşanê şarî pers kerd. Hulaku dima pê heyetê xo derbazê qezaya Azarpêrt, Gêxî û Xorxolî bi. Hulakuyî zîyaretanê xo de pare kerd ke ê do şarê Çewlîgî reyde nê îqtîdarî bivurnê.

Namzet Faruk Arisî zî qezaya Çêrme û Kanîreşî zîyaret kerdî. Arisî yew bi yew roşanê şarî pers kerd û goş na meseleyanê şarî ser.

Hetê bînî ra Meclîsê Cinîyan ê Partîya Çep a Keske yê Çewlîgî zî ewro merkezê şaristanî de broşurî vila kerdî. Cinîyan venga pêro kesan da ke wa 25ê nîsane de, saete 11.00 de tewrê mîtîngê pîlî Çewlîgî bibê.