Platformê Kede û Demokrasîyî yê Êlihî derheqê hedefgirewtiş Şêx Seîdî de Parka Yilmaz Guneyî de eşkerayîya çapemenîye daye.

TJA, Mayê Haştîye, DEM Partî, Baroyê Êlihî û dezgehê pabesteyê platformî tewrê çalakîye bîyî. Eşkerayîye de pankartê “Dest û zimanê xwe yên qirêj ji nirxên me vekişînin” ame akerdene.

Hemserekê Egîtîm Senî yê Êlihî Ramazan Bilmezî vat, ''Şêx Seîd û embazê ci sey Seyîd Riza û Nurî Dersimî erjanê muhîman ê şarê kurdî ra yê. Seba ke nameyê ci dîyayo yew bûlvarî vera Şêx Seîd û embazanê ci hêrişê nîjadperestî yenê kerdene. Ma nê eşkerayîyanê hêrişkar û xelatan qebul nêkenê. Seba ke na herre de şerî bigêdîyê û haştîye bêro, ma têkoşîn kenê û wayîrê erjanê kurdan vejîyenê. Ma hêrişê ke serê Şêx Seîd û embazanê ci înanê ke têkoşînê heqî rayra berdo, vera erjanê kurdan yenê kerdene, qebul nêkenê.''