Hepisxaneyê Îmralîyî de pêvînayîşê keyeyan ê bi Rayberê Şarê Kurdî Abdullah Ocalan, Omer Hayrî Konar, Veysî Aktaş û Hamîlî Yildirimî seba hîrê aşman ameyo qedexekerdene.

Goreyê xebera Ajansê Xeberan ê Mezopotamya, Hepisxaneyê Îmraliyî de pêvînayîşê keyeyanê Rayberê Şarê Kurdan Abdullah Ocalan, Omer Hayrî Konar, Veysî Aktaş û Hamîlî Yildirimî seba hîrê mendan biyo qedexe. Sebebê qedexeyê pêvînayîşan ê hetê dozgerîye zî madeyê “sînorkerdişê derheqê tewqîfkerdeyan de” yê “Qanûnê bi Hûmara 5275î yê Derheqê Înfazê Tedbîranê Ceza û Asayîşî” ame ramotene. Wexto ke keyeyan 16'ê Temmuze de seba pêvînayîşê muracat kerd û muracatê înan amebi redkerdene, hayîya avûkatanê  Buroyê Huqûqî yê Asrinî pê bî û îtîraz kerd ke dosya bêra erşawetene înan rê. Labêle dadgerîye va, seba Rayberê Şarê Kurdî Abdullah Ocalan wextê îtîrazî vîyarto û îtiraz seba hîrê mehkumanê bînan zî amo redkerdene. Dadgerîye eşkera kerd eke muracat tewqîfkerdeyanê bînan zî yê ke Mehkemeya Cezaya Giran a 1'în a Bûrsa rê kerd ameyo redkerdene û qerar 9'ê Temmuze de eşkera bîyo.

Seba ke dosya nêdanê avûkatan, avûkatan 4'ê Êlule de seba îtirazî muracatê Mehkemeya Cezaya Giran a 1'în a Bûrsa kerd. Mehkeme derheqê muracatê de çîyêk nêvato. Labelê avûkatî zî seba ke wextê muracatê îtirazî vîyarto, 9'ê Êlule de seba Aktaş, Konar û Yildirimî muracatê Mehkemeya Qanûnê Bingeyênî kerd.

'Pêro Heqê Înan Yenê Binpaykerdene‘

Avûkata Bûroya Hiqûqî ya Asrine Razîye Tûrgûte va: "Muwekîlê ma Veysî Aktaşî ra ber, muwekîlanê ma yê bînan Birêz Abdullah Ocalan, Omer Hayrî Konar û Hamîlî Yildirim zî cazeyo muebbet girewto. Ê ke cezayo muebeta girane girewto heqê înan ê di hefteyan de reyêk pêvînayîşo akerde esto. Tûrgûte îfade kerd ke labelê Îmrali de sîstemêko cîya yeno xebetnene û va: "Mesela, wexto ke keyeyêk şêro hepisxane qeydê nifûsî bide pêvînayîş yeno meydan. La heyf o ke Hepisxaneyê Îmraliyî de no bestîya dêstûrî yo. Aye ra keye her hefte bi hewayêko nîzamî muracatê Dozgerîya Komara Bûrsa keno."

Tûrgûte bale ante heqanê bînan ê muwekîlan û va: "Birêz Ocalan serra 1999'an ra nata nêşkeno heqê xo yê telefonî bixebetne.Aktaş, Yildirim û Konar zî nêşkenê avûkatê xo bivînê. Heqê kesanê ke cezaya muebetî ameyo dayene esto ke di hefteyan de reyêkê seba 10 deqayan telefon de keyeyê xo de qisey bike. Labelê Îmrali de no zî ameyo binpaykerdene."

‘Bêhuqûqîye Ya‘

Tûrgût, Ocalanî ra pey Konar û Aktaş 15' adara 2015'an û Yildirim zî 15'ê Tîrmeha 2015'an de sewqê Îmrali bîyê û va "Adara 2015'an ra heta 20' Tîrmeha 2016'an bi meneyanê sey 'keştîye xerabe ya', 'rewşa hewa baş nîya.' pêvînayîşî ameyêne astengkerdene. La Rewşa Îstisnayî sey meneyan vatiş û pêvînayîş ame astengkerdene.Verê qerarnameyê Rewşa îstîsnayî bêrê vejîyayene sînorî danê bi Îmraliyî. Aye ra heqê mehkum û keyeyanê mehkuman û heqê pêvînayîşê bi avûkatan amê binîrakerdene. 2'yê Adara 2018'an de zî qanûnê hûmara 5275'an sey meneyêk ameyo mojnayene û qedexeyê 6 aşman ameyo dayene înan. Pey ra no qerar reyna meneyanê sey 'keştîye xerabe ya', 'rewşa hewa baş nîya' ameyo mojnayene. Muracatî nê ra pey 17'ê Êlule 2018'an de amo kerdene. Seba nê muracatan û pêroyînan meneyê cezayê dîsîplînî amo mojnayene."

Tûrgûte ard ziwan ke tedeyîya qerarê amê dayene zî înan rê nêamê parekerdene û va: " Wexto ke ma wazenê hayîya tedeyî bibê tim meneyanê asayîşî danê ma verî. Dosya ma ra remnenî. Aye ra ma gêreyê înan kerd. Heyf o ke ma bêvînayîşê tedeyîya înan îtîraz kerd. Peynîye de Mehkemeya Cezayo Giran seba îtirazê ma va qerar rast o. Yanî ma teyna nêşkenê hayîya hûmara heyetê dîsîplînî bibê. La wexto ke ma dewaya qerarê heyetê dîsîplînî kenî, cewabêk zî nêyeno dayene û seba zafê muracatan ma mecbur manenî muracatê Mehkemeya Qanûno Esil bikî.

Tûrgûte eşkera kerde ke keye seba pêvînayîşî pê eqrabeyanê xo 16'ê Tebaxe de reyna muracat kerd û va: "Vatêne, goreyê hikmanê qanûnê înfaz û dîsîplînî yo. Muracatê keyeyan ameyo redkerdene. Behsa qedexeyî yo hîrê aşman kenî. Aye ra ma vera awil muracatê Dadgerîya înfazê Bûrsa kerd. Ma tedeyîya ey nêzanenê la ma qerarê heyetê dîsîplînî rê îtiraz kerd. Û ma waşt nusxeyêka dosyaye bide ma. Dadgerîya Înfazî va, Seba Ocalan wext vîyarto û dosya qedîyaye. Seba ke wext vîyarto ma nêşkene seba muwekîlê xo Ocalanî muracatê Mehkemeya Qanûnê Bingeyênî bikç. La seba muwekilanê bînan ma muracatê Mehkemeya Qanûnê Bingeyênî kerd.‘‘