8ê kanûna 2019î de operasyonanê qirkerdişê sîyasî de 24 kesî amebî destbendkerdene û înan ra 21 kesî bî îdîaya ''endamîya rêxistine'' ameyî tepiştene. Çarçewa heman tehqîqatî de endamê Meclîsê Şaredarîya Amedî  Ridvan Ezer, endamê Meclîsê HDPyî Mesut Bagcik zî tede 14 kesê bînî zî 13ê çeleyî de ameyî destbendkerdene.

Vizêr polîsan taxa Bagcilarî ya Baglarî de eşt keyeyêk ser. Ame zanayene ke nê operasyonî de polîsan îşkence bi Resul Ekenî  kerd û pirnikê ci şikîya. Resul Eken û waka ci Besra Eken ameyî destbendkerdene. Resul Eken rê raporê derbî zî nêame dayene.

Babîyê Resul Ekenî Abdulkadîr Eken zî verê cû îşkence dibi û di parsûyê ci ameyî şiknayene. Dima babî Andulkadîr Eken û lajê ci Hogir û Botan Eken bi îdîaya ''endamîya rêxistine'', ''hetkarîya rêxistine'', ''peydakerdişê madeyê teqabarî'' amebî tepiştene.