Têgêrayîşê Cinîyan ê Azadan (TJA) û Komeleya Hetkarîya bi Keyeyanê Tepişteyan û Hukmwerdeyan (TUHAY-DER) bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan seba tepişteyanê nêweşan çalakîyî kerdî.

Îstanbul de verê Zîndanê Bakirkoyî de eşkerayîye ameye wendene. Hemvervatoxa HDKyî Esengule Demîr, Wekîlê HDPyî Peroye Dundar û Dilşate Canbaz, Endamê Meclîsê Mayanê Haştîye û merdimê tepişteyan zî tewrê eşkerayîye bîyî.

Hemsereka HDPyî ya Îstanbulî Elîfe Bulut ard ziwan ke ê do tim seba cinîyan ê tepişteyan têkoşîn bikerê. Esengule Demîr zî vera qanûnê Înfazî nêrazîbîyayîşê xo mojna. Peroye Dundar zî bale ante ser ke tecrîdî Îmrali de dest pêkerd û dima vilayê pêro zîndanan bi. Dundare vat: ''22 serrî yo vera Ocalanî tecrîd esto. Kiştoxê cinîyan teber de gêrenê la sîyasetmedarê cinîyî raştê îşkenceyî yenê. Ma vera ney sereyê xo mearê war.''

Îzmîr de endamanê TJA û TUHAY-DER EGE qezaya Konakî de eşkerayîye daye. Wekîla HDPyî Ayşe Surucu tewra çalakîye bîye û pare kerd ke binpaykerdişê heqanê tepişteyan bi bahaneya janî dewam kenê. Eşkerayîye de wina ame parekerdene: ''Vera teda û hêrişanê serê cinîyan ma do her warî de binê her şert û mercî de têkoşîn bikerê.''