Taksîmê Îstanbulî de serkêşîya TJA, DBP, Meclîsê Dayîkanê Haştîye, ANYAKAY-DER, MATUHAY-DERî de hermkarîya PDKyî ya bi Tirkîya amemye şermezarkerdene. Çalakîya ke bi slogana ''Wezîfeyê ma pawitişê destkewteyanê ma vergirewtişê birakujî yo'' ameye kerdene xeylêk kesî tewrê ci bîyî.

Rixmê ablûqa û zextanê polîsan hemvervatoxê HDKyî Esengule Demir, Cengîz Çîçek û wekîlê Partîya Çep a Keske û xeylêk kesî Merkezê Pêroyî yê HDKyî ra ver bi Tunelê Taksîmî rayra şîşî. Grube vist vîrî ke Başûrê Kurdîstanî binê hêrişî de yo  û vera polîtîkayanê şerî nêrazîbîyayîş mojna. Çalakîye de slogana “Bijî biratiya gelan” ameye vatene.  Cengiz Çîçekî binê ablûqaya polîsan bale ante muhîmîya haştîye ser û vat rixmê heme hêrişan ê do semedê haştîye têkoşîn bikerê.

Hemvervatoxa HDKyî Esengule Demir, Hemsereka ANYAKAY-DERî Evîne Genç, Hemserekê HDPyî yê Îstanbulî Murat Kamaz zî tede 15 kesî ameyî destbendkerdene.