Îzmîr de 12 HDPyîjî ameyî destbendkerdene
Îzmîr de operasyonanê qirkerdişê sîyasî de 12 HDPyîjî ameyî destbendkerdene.
Îzmîr de operasyonanê qirkerdişê sîyasî de 12 HDPyîjî ameyî destbendkerdene.
Çarçewa tehqîqatê Serdozgerîya Komare ya Îzmîrî de derheqê îdarekaranê HDPyî yê Îzmîr, Eskîşehîr, Konya û Mêrdînî de bira destbendkerdişî ameye dayene. Operasyonanê qirkerdişê sîyasî ê Îzmîrî de Hemserekê HDPyî yê Konakî yê Îzmîrî Hayat Îzgî, îdarekarê HDPyî Ramazan Efendîogullari û Mustafa Koyuncu zî tede 12 kesî ameyî destbendkerdene.
Rêxistina HDPyî ya Îzmîrî derheqê destbendkerdişan de vat: "Ê vanê qey pê destbendkerdişan û tepiştişan ma ecîz kenê.'' HDPyî waşt ke cade partîyîjî bêrê veradayene.
Nameyê kesanê ke ameyî destbendkerdene wina yê: Hayat Îzgî, Ramazan Efendîogullari, Mustafa Koyuncu, Yahya Kezer, Kemal Aslan, Hamît Sari, Gulseven Turgal, Salîh Huldur, Sultan Demîroglu, Yaşar Sizici, Mehmet Degîrmen.