Meclîsê Ciwanan ê DEM Partî bi şîarê ''Vejînek Ciwan'' Kongreya Asayîşî ya 1ine Rezanê Amedî de kerd. Bi hezaran ciwanî bi sloganê “Bê Serok jiyan nabe”, “Bijî Serok Apo” tewrê kongre bîyî.

Badê qiseykerdişan û wendişê raporan bi yew lîste vîjnayîş ame kerdene. Kesê ke îdareyê neweyî de ca genê wina yê: Seneme Eriş, Livan Orman, Edanure İbrahimoglu, Elife İnan, Mehmet Halis Saykan, Oguzhan Ozbay, Helîne Koçak û Ozcan Teker.

Hemvervatoxê Meclîsê Ciwanan do peyra bêrê eşkerakerdene. Kongre bi deyîranê hunermendan qedîyaye.

Badê kongreyî polîsan hêrişê ciwanan kerd. Tewr tay 30 ciwanî bi şîdetî ameyî destbendkerdene. Ciwan bi slogana ''Ma do bi xoverdayîşî ser bikewê'' cewabê hêrişan da.

Hetê bînî ra Wezîrê Edaletî yê Tirkî Yilmaz Tunçî  hesabê xo yê medyaya sanale ra da zanayene ke dereqê kongre de  bi îdîaya ''Wasifnayîşê sûc û sûcdarî'' û ''Propagandaya rêxistine'' tehqîqat dîyayo destpêkerdene. Tunçî vat, ''Serdozgerîya Komere ya Dîyarbekirî derheqê şikdaran de tehqîqet dayo destpêkerdene û talîmatê destbendkerdişî dayo.''