Amed de vera xespkerdişê îradeyê şarî çalakîyê protestoyî roja pancine de bêmabên dewam kenê.Serekwekîlê Gruba HDP'yî Sarûhan Olûç, parlamenterî Garo Paylan, Meral Daniş Beştaşe, Hîşyar Ozsoy, Remzîye Tosûne, Semra Guzele û Mûsa farîsogullari vernîya şaredarîye de binê ablûqaya polîsan dest bi çalakîya roniştişî kerde.

'Xoverdayîş Ciwîyayîş o'

Hemşaredarê Bajarê Pîlî yê Amedî yê Partîya Şaran a Demokratîke (HDP) Selçûk Mizrakli yo ke wezîfeyê ci dest ra ameyo girewtene bi slogananê, 'Amed ê ma yo' û Xoverdayîş ciwîyayîş o' ame pêşwazîkerdene.Yeno pawitene ke eşkerayîya çapemeyîye bêro dayene. 19'ê Tebexe ra vera xespkeridşê şaredarîyan Amed, Wan û Mêrdînî çalakîyê protestoyî dewam kenê.