Amed de rixmê hêrişan grevê vêşanîye newe ra ame destpêkerdene

Amed de perey polîsan eşt çalakîya ke rayberîya cinîyan de ameyêne viraştene ser û bi desan cinîyî destbend kerdî. Rixmê hêrişê polîsan grevê vêşanîye ewro reyna ame destpêkerdene.

Amed de rixmê hêrişê polîsan, newe ra seba wedartişê tecrîdê serê Rayberê Şarê Kurdî Abdullah Ocalanî û paştîdayîşê çalakîya Leyla Guvene grevê vêşanîye ame destpêkerdene.

Polîsan perey Amed û ÊLîh û vizêr zî Wan de hêrişê çalakwananê grevê vêşanîye kerd, tewr tay 68 tenî destbend kerdî. Amed de Mayêka Aşitî ya 80 serrî zî te de 25 cinîyî bi erd ra kaşkerdişî ameyêbî berdene.

Ewro banê HDPyî yê Amedî de bi tewrbîyayîşê 50 tenan çalakîye reyna ameye destpêkerdene. Derheqê çalakîye de eşkerayîyêk ameye viraştene. Îdarekarê HDP, DBP, KCD, TUHAY-DER û TJA tewrê ci bîyî.

Bi nameyê çalakwanan parlamentera HDPyî ya Amedî Remzîye Tosune qisey kerd. Tosune ard ziwan ke ê vera tecrîd û polîtîkaya hêrişkare grevê vêşanîye rê wayîr vejîyenê.

Tosune vist vîrî ke  Mersîn, Amed, Wan, Riha û Êlîh de bi desan çal

akwanî bi derbkerdişî ameyî destbendkerdene û va:‘‘ bi startdayîşê xebatanê weçînitişanê cayîyan ra nat, serê partîya ma de zextî vejîyayî merhaleya tewr berze. Vera zextan ma hîna bîhêz benî û zêdîyenî. Senî ke Leyla Guvene çend rojê cuwa ver va; ma do nê mucadeleyî de ser bikewê.‘‘