Merdimanê tepişteyan Baroyê Amedî de seba ke bale binancê rewşa tepişteyanê nêweşan ser Nobeta Edaletî daye destpêkerdene. Çalakîye roja hîrêyine de dewam kena.

Babîyê Ciwan Boltanî yo ke Zîndanê Bolu de yo, Hakki Boltan, waya Abdulselam Gulerî yo ke Zîndanê Amedî de yo, Încî Guler, cinîya Siddik Gulerî yo ke Zîndanê Îskenderunî de yo, Hasime Guler, dayîka Ahmet Kolakanî yo ke Zîndanê Bandirma de yo, Fevzîye Kolakan û Waya Hamdusana Ada yo ke Zîndanê Amedî yo, Reşahate Ada çalakîya ewroyînî  de ca girewt.

Îdarekaranê komeleyanê paştdayîşê keyeyanê tepişteyan MED TUHADFED û TUHAYDERî semedê paştdayîşî merdimê tepişteyan ê ke çalakîye de zîyaret kerdî. Zîyaret de merdimanê tepişteyan Hakki Boltan û Încî Guler bale atne binpaykerdişanê heqanê tepişyan ser ke wextê janê Korona de zafêr bîyî. Merdimanê tepişteyan ard ziwan ke tepişteyê nêweşî rixmê raporanê doktoran ne yenê tedawîkerdene ne zî yenê veradayene û vat seba ke ê vengê xo bidê eşnawitene berê huqûqnasan cinayo û ê qerardar ê ke heta netîcegirewtiş do çalakîya xo bidomnê.

Hemserekê MED TUHADFEDî Ahmet Doganî zî vat: ''Tepişteyo nêweş (80) halê ci çîno ke xoser vindero destê ci yenê kelemçekerdene û wina yeno berdene nêweşxane. Na rewşe de ganî tepişteyî senî bêrê tedawîkerdene. Edalet ho ça, xizmeto seyci ho ça, sondê hipokratî ho ça, bêhetîye ha ça.  Înfazî yenê vêşnayene, tepişteyê keyeyanê înan ra dûrî rê yenê surgunkerdene. Huqûqê dişmenî de zî çîyê winayên çîn ê. Na çalakîyêka zaf heqedar  a. Ma zî do çîyo ke destê ma ra yeno bikerê.''