Merdimanê tepişteyan Baroyê Amedî de  seba ke bale binancê rewşa tepişteyanê nêweşan ser Nobeta Edaletî daye destpêkerdene.

Babîyê Ciwan Boltanî yo ke Zîndanê Bolu de yo, Hakki Botan, waya Abdulselam Gulerî yo ke Zîndanê Amedî de yo, Încî Guler, cinîyê Siddik Gulerî yo ke Zîndanê Îskenderunî de yo, Hasime Guler, dayîka Ahmet Kolakanî yo ke Zîndanê Bandirma de yo, Fevzîye Kolakan û kênaya Mehmet Emîn Ozkanî yo ke Zîndanê Amedî de yo, Selma Ozkan tewrê çalakîye bîyî.

Serekê Baroyî Nahît Eren û îdarekaran waştişê merdimanê tepişteyan înanê ke çalakîye daye destpêkerdene, goştarî kerdî. Erenî ard ziwan ke seba ke problemî bêrê wedaritene û waştişê hegdarî yê merdimanê tepişteyan bêrê caardene ê zî do xîret bikerê.

Cinîya Siddik Gulerî Hasîme Guler: ''Mêrdeyê mi di rey rîyê tansîyeno berzî ra anju bîyo. Coka sandalîyê bigogerî rê girêdaye yo. Nêeşkeno hewceyanê xo bîyaro ca. Di rey zî janê Korona girewto. Ganî helêk cuwa ver bêro verdayene.''

Dayîka Ahmet Kolakanî Fevzîye Kolakan: ''Lajê mi nêweşê qelbî yo. Seba ke bêro amelîyatkerdene ganî bêro serbest bêro veradayene.''

Kênaya Mehmet Emin Ozkan Selma Ozkan: Xora reşwa babîyê mi heme rayapêroyîye zana la selehîyatdarî çîyêk nêkenê. Babîyê mi hinî telefon zî nêkeno. Ma nêzanê rewşa ci senîna. Ganî cade mudahale bêro kerdene.''

Babîyê Ciwan Boltanî Hakki Boltan: ''Yew çimê lajê mi nêvîneno, yew destê ey çîn o, mezgê ci de parçeyê şarapnelî esto. Lajê mi nêeşkeno hewceyanê xo bîyaro ca. Ganî lajê mi û tepişteyê nêweşî cade bêrê verdayene.  Ma ameyî tîya ke wa rayapêroyîye hayîdar bo û hîsgêr têbigêro. Heta netîcegirewtiş ma do çalakîya xo rê dewam bikerê.''