Parlamentera HDP‘yî ya Riha Ayşe Surucu verba tecrîdkerdişê Ocalanî vinderta û ard vîrî ke badê vengdayîşê Ocalanî seba haştîye , dewlete pê qeyûman xo eşkera kerde. Surucu va, "Pê destsernayişê  şaredarîyanê HDP‘yî seba çareserîye cewab daye. A roje ra nata ne keyeyê ci ne zî avûkatê ci nêşkenî ey bivînê. Nê zî şer kerdo giranêr. Mabenê serranê 2013 û 2015'an de nê erdî de haştîye û huzur estbî.

Mûxatabê pêvînayîşanê nê çaxî zî Birêz Ocalan bi. Pê ra ke pêvînayîşê seba çareserîya demokratîke yê  Ocalanî reyde ameyo qedînayene tecrîd zî ameyo ferzkerdene, hînî Tirkîye de dewrê kaosî   dest pêkerd. Zafînanê polîtîkayanê Tirkîya  de reweşê xirab bîye. Na tengayî dewam kena. Brêz Ocalan ne tena seba Tirkîya seba şaranê Rojakewtena Mîyanêne zî bîyo omidêk.Ganî analîzê ey baş bêrê kerdene. Aye ra zî rewî ra Ocalan ser o polîtîkaya tecrîdî yena kerdene.

Surucu ard ziwan ke ganî Ocalan keyeyê xo û avûkatê xo bivîno û va "Didaranê verên de Birêz Ocalan avûkatê xo rê beyanê muhîmî parbe kerdî. Vatbi ke ma seba haştîye amade yê. Eşkera kerd ke o eşkeno hefteyêk de haştîye saz bike. Labêle roja bîne  se bi beyananê Ocalanî rê? Dewlete pê qeyûman cewab dayo haştîye. Pê destsernayişê şaredarîyanê HDP’yî  cewabê çareserîye da. Pê tecrîdî cewabê haştîye da. A roje ra nata keyeyê ci û vaûkatê ci nêeşkenî ey bivînê. No şêrî giranêr keno.

Hetêk de semedê qeyûman ra binpaykerdişê îradeya şarî, hetê bînî de têwgerayîşê leşkerî ya parçeyanê Kurdistanî  bînî de.Nê pêro eşkera kenî ke hukmat hema zî haştîye nêwazeno û qey şerî israr keno . Dîyar o ke hukmat estbîyayîşê  xo tena pê şerî rayra beno. Ê haştîye ra dûr  ê.
Labelê ganî herkes bivîno ke şer do nêbo çareserî û qet nêbo. Şer tena dej û têmîyankewtiş kenê giranêr. Ma reyna veng danê ke semedê haştîya zixme ganî Birêz Ocalan reyde pêvînayîş newe ra dest pê bikê û bi hewayêko nizamî dewam bikê.