Pêşnîyazê Qanûnê Bekçîyan ê kuçe û taxan ê 18 xalan ê ke erk dano bekçîyan ke bieşkê nasnameyanê merdiman bipersê û çeke bixebitnê Komîsyonê Karanê  Zereyî yê Meclîsî de ame qebulkerdene.

Vera qanûnî nêrazîbîyayîşî zî dewam kenê. Wextêkê winasênî de taxa Kocamustafapaşa ya qezaya Fatîhî ya Îstanbulî de kesêk nêwaşt ke bekçîyî ey ser o cigêrayîş bikerê. Bekçîyan zî o derb kerd û erdî ser o derg kerd.Dîmenanê ke medyaya komelkî de ameyî weşanayene de yenê dîyene ke hemwelatî bekçîyan rê vano 'to destê mi şikit' labelê bekçîyî ey bi asinan kelemçe kenê.

Balkêş o ke o çax bekçîyan ra yew zî vano 'mi rê zorî meveje.'