Partîya Demokratîke ya Şaran (HDP) dima ke 3ê teşrîna peyêna 2019î de kongreya xo kerde qezayanê de zî kongreyanê xo dewam keno. Tedaya vera HDPyî bena zêde. Hemsereka HDPyî ya Îstanbulî Elîfe Bulut ard ziwan ke HDPyî nê dewirê neweyî de do rayîr bido sîyasetê Tirkîya. Bulute pare kerd ke ê mîyanê pêro şert û mercanê tedayan, tepiştişan de zî Îstanbul de xebatanê  xo rê dewam kenê û vat kongre seba HDPyî prosesêkê rêxistinbîyayîşî ya.

Bulute vat: ''Ma taxan de, keyeyan de gêrenê, rêxistinanê komelkîyan ê sivîlan de kombîyayîşan kenê. Nê kombîyayîşan de astêke ameye dest vistene. Çunke ma qezayanê Îstanbulî de pêro karî kerdî. No prses seba ma prosesê weçînayîşî yo. Tay babaten de zor û zehmetîye yenê verê ma. La eleqeyêko pîl yeno mojnayene. Rojêke de 3 qezayan de ma kongreî kerdî. Şarê ma vera teda û zorbazîye nê çaxî de zî paştî dano ma. Wazenê ke çimê şarê ma bitersnê. Labelê sînorê ney zî estbî. Nê prosesî de ma nêeşkayî bînayanê xo de eşkerayîya çapemenîye bikê.

Dormeyê ma bi TOMAyan û polîsan amebi girewtene. No zî bi semedê hêrsbîyayîşî. No hêrsbîyayîş kongreyanê ma de hîna zêder ame dîyene. Seba eşkerakerdişê îdareyêkî ma destî ra çi bêro ma kenê. Ma do meclîsê xo yê ciwanan xurtêr bikerê. Nika mesela Lîbya rojdemê ma de ya. Hayîya ma pê esta ke netîceyê Lîbya do zerar bido AKP. Hetê bînî ra Şorişê Rojawanî seba ma destkewteyêko pîl o û ma do qet ci ra fek vera nêdê. Babetêka bine ya ke rojdemê ma de ya ekonomî ya. Şar sînorê vêşanîye de yo la qesra AKPyî de mesrafê rojane qasê mesarafê 2 hezar kesan o."

Îdarekarê Rêxistina HDPyî ya Îstanbulî çarçewa girîngîya kongreyan de kar û xebatê xo yê bi şarî dewam kenê.