Semedê cinîyan ê şorişgêran ê kurdan Sakîne Cansiz, Fîdane Dogan û Leyla Şeylamez ê  ke 9ê çeleyî de paytextê Fransa Paris de ameyî qetilkerdene, aktîvîeyêk ame viraştene.

Aktîvîte paytext Paris de verê Buroyê Enfermasyonî yê Kurdistanî de ameye kerdene. Babî Cumalî Şaylemez, Sereka Komeleya Kurdan a Fransa Sylvie Jan, îdarekarê TJK-E,Koordînatorê Patîya Çepe Danielle Smonet, serekê MRAPî Rene Mignot, îdarekarê Partîya Komînîstî yê Fransa û Senator Lorence Cohen tewrê aktîvîte bîyî.Bi nameyê xeylêk dezgehan verê buroyî de vilikî ameyî ronayene û mûmî ameyî tafînayene. 

Bi nameyê TJK-e Besîme Konca qisey kerd. Konca vist vîrî ke Fransa seba ke karê ci sîyasî û ekonomîkî esto qirkerdişî eşkere nêkena û vat ma naye qebûl nêkenê ê ganî berpirsîyarîya xo bica bîyarî û nê qirkeridşî roşnî bikerê. Sylvie Jan zî vat Fransa ganî her çî ya vera semedê erjanê xo yê demokratîkan na xeletîye ra agêro. Fransa bi nê eybî nêeşkena bicuye. Rene Mingot ke bi nameyê MRAPî qisey kerd vat Fransa û Ewropa sey Qikerdişê Parisî vera qirkerdişo ke Rojawan de ame kerdene zî bêveng mend. No nîno qebûlkerdene. Cumalî Şaylemez zî vat 7 serrî yo no şar payra yo. Fransa do heta çiwext nê şermî bikirişo. Ma do heta peynî têkoşîn rê dewam bikerê. Reyna qiseykerdoxanê bînan zî waşt ke Fransa paştî nêdo Tirkîya qirkerdişî roşnî bikero.