Hemşaredaro verên ê Şaristanê Gîrdî yê Wanî  Bekîr Kaya yo ke wezîfeyê ci ame xespkerdene û 3 serrî yo sey rehîn zîndan de yeno tepiştene cezaya ke ameyîbî ci dayene ameye tesdîqkerdene.Cezaya 8 serran û 3 aşman a ke hetê Mehkemeya Cezaya Giran a 2. ya Wanî ra ameyebî dayene hetê Daîreyê Ceza yê Mehkemeya Edlîye yê Herêmî yê Erziromî ra ameye tesdîqkerdene.

Kayayî pawitişê xo yê mehkeme de nê vatbî: ''Mehkeme ra qet pawitişêkê mi çîn o. Ceza bidê mi ya zî medî zaf muhîm nîyo. Ez zaf hol zana ke tengayî ke ez ancena peynî ra tewr peynî de do agêrê destkewteyêkê komelkî. Coka şima çi qerar bidê, çi beno wa bibo xêmê mi de nîyo. Qeraro ke şima danê seba şarê ma do bibo qezencêk. Ez înkar nêkena, nêvana nêşîya cenazeyan. Na zordarîye do biqedîye û ma do miheqeq ser bikewê.''