'Rayraşîyayîşê Azadîye' yo ke hetê ciwananê kurdan û enternasyonalîstan ra semedê azadîya fîzîkîye ya Rayberê Şarê Kurdî Abdullah Ocalanî ame organîzekerdene, roja 3. de yo.

Ciwananê kurdan û enternasyonalîstan seba azadîya Rayberê Şarê Kurdî Abdullah Ocalanî  'Ciwananê rêxistinbîyayeyan reyde ver bi azadîya Rayberîye' şaristanê Dortmundî yê Almanya ra 'Rayraşîyayîşê Azadîye' dabi destpêkerdene.

Almanya, Swîsre, Fransa, Îngîlîstan,Îspanya, Îtalya, Blîvya ra nizdê 40 ciwanê enternasyonalîstî û 200 ra zafêr kurdîstanijî semedê azadîya Rayberê Şarê Kurdî Abdullah Ocalanî rayra şinê

Ciwanî Dortmundî ra heta Bochumî û ûcara zî heta rayra şîyî. Ciwanan bîn şewe Merkezê Komelê Demokratîkî yê Kolnî de ameyî têhet, qala tecrîdî û xebatanê xo kerd. Rayraşîyayîş do 8ê êlule de Koln de biqedîyo.

Roja 3. de çalakîye serkêşîya cinîyan de dest pêkerd. Ciwanî serê sibayî îstasyonê trenan ê Oberhausenî de ameyî têhet. Cinîyî bi fularanê moran, pankertê“Jin Jiyan Azadî Serbixe Azadî” kirişenî. Saetanê şanî de do derheqê têkoşînê cinîyan de semîner bêro kerdene.

Ciwanî do roja 4. de Neussî ra heta Dusseldorfî rayra şirê. Roja 5. de , 8ê êlule de do Kolnî ra hetê merkezê Mulheimî rayra şirê û tîya rayraşîyayîşê xo biqedînê.