Sedat Pekerî îtîraf kerdbi ke vera elewîyan amadekarîya qirkerdişêkê neweyî yena kerdene. Komeleya Elewîyan ê Demokratîkan (DAD) derheqê babete de eşkerayîyêka nuştekîye daye.

DADî Qirkerdişê Armenîyan, Qirkerdişê Pontusî û Terteleyê Dêrsimî vistî vîrî û pare kerd ke dewleta tirke verî kurdî, armenîyî, elewîyî kiştêne dima zî kiştoxê înan kerdî qehreman. DADî îfade kerd ke no zî eşkera keno ke dewlete pê mantiqê mafya têgêrena.

DADî vat: ''Rêxistinanê sûcan plan kerdo ke elewîyan qir bikerê. Ma rixmê nê planan payan ser o yê. Ma Dêrsim, Kerbela, Qoçgirî, Meletî, Çorum, Maraş û Gezî de qirkerdişê elewîyan dî. Şima Gazî girewt binê ablûqa û ganê ma qetil kerdî. Xoverdayîşê Gezî de 8 ciwanê ma ameyî qetilkerdene. Ugur Kurt baxçeyê cemxaneyî de, Dîleke Dogan keyeyê xo de, Kemal Kurkut Newroza Amedî de, dekewtişê Dibistanê Gazî de 4 ciwanê ma şim qetil kerdî. Şima hema zî qala kamyew qirkerdişî kenê?''