Amed de Nobeta Demokrasîyî ya HDP'yî yê verba tayînkerdişê qeyûman roja 31'îne de dewam kerdeÇalakîye Cehdeyê Lîseye de muşahedeyê polîsan de ameye viraştene. Parlamenterê HDP'yî, Serekê Pêroyî yê PDK-Vakurî Sertaç Bûcak, Dadîyê Laçiksipîyî, sazgerê ciwanan, Dadîyê Haştîye û xeylî hemwelatî beşdar bîyî.

Hemşaredar Selçûk Mizrakliyo ke wezîfeyî ra ame dûrfinayene wexto ke ame cayê çalakîye, şarî pê sloganan selam da ci. Hemwelatîyan sloganî eştî û qeyûmî şermezar kerdî. Ciwanê HDP'yî pê çalakîya roniştişî Cehdeyê Lîseye de vernîya erebeyan girewte û Dadîyanê Laçiksipîya zî paşt daye înan. Her çiqas polîsan pê tehdîtan waşt ke hêrişê çalakîye bikê zî çalakîye dewam kerde. Parlamentera HDP'yî Salîha Aydenîze qisey kerd û vat, ê do verba texrîbat û hêrişê AKP-MHP'yî xo ver bidê.

Bûcak: Wazenê Şar Provoke Bikê

Serekê PDK-Vakurî Sertaç Bûcakî zî dîyar kerd ke şarê Kurdî weçînayîşê 31'ê Adare de cewab da qeyûman û ê def kerdî û vat; " Ma nê hêrişan qebul nêkenê. Ê wazenê şarê ma provoke bikê la wa baş bizanê ke şarê ma nêno xapênayene. Ganî hemşaredarê ma bilezî agêrê ser wezîfeyê xo."

Dadîyî: Bi Îşkenceyan Ma Destbend Kerdî

Dadîyanê Laçiksipîya ra Aysel Tufana ke vizêr verberê AKP'yî ra pê îşkenceyan ameye destbendkerdene û wina vat: "Ma vizêr seba haştîye şî verberê AKP'yî. La polîsan ma destbend kerdî, ma rê îşkence kerd.Nêngî çînayê ma rê ke ez pê şerm kerd. Ma domananê xo yê vîndîyan wazenê. Ganî keyeyê ke verê HDP'yî de ronişenê bêrê ma pîya verê AKP'yî de ronişê. Ma nêwazenê çew bêro kiştene. Ma haştîye wazenê. Ma îradeyê xo wazenê."