Dayê Kinê ya şingalije vera hêrişê hêzanê Kazimî yê vera Şingalî nêrazibîyayîş mojna vat: ''Ma sey êzidîyan do çirey teslîm mebê, destkewteyê ma xeta ma ya sûr a.''

Dayê Kinê vat: ''Dişmen ameyo verê berê ma. Hukmatê Iraqî vano keyeyanê xo ra vejîyê. Ma tîya de yê, cenzayê ma zî bêrê eciqnayene ma keyeyanê xo canêverdêne. Ercê ma û destkewteyê ma yê ke ma bi gonîya qicanê xo fînayî dest ma qetî çewî nêdanî. Nika hêrişê hêzanê ma asayîş û YBŞ û YJŞyî kenê. Heme dezgehanê ma de beyraqa Iraqî daliqnayîya la ê yenê hêrişê ma kenê.

Ma tira vanê hukmatê ma ê yenê ma dir şer kenê. Ma nêwazenê hukmatê Iraqî reyde şer bikerê. La kam ke bêro hêrişê ma bikero, ma xover danê û vera înan şer kenê.  Hêzê ma yê leşkerî ma pawenê, ma zî do înan bipawê. Ma do sey şarê êzidîyan çeke bigêrê. Ma milê xo çewt nêkenê. Wa heme dinya bizano ke êzidî bişeref, bianor ê. Çirey peyser game nêerzenê, teslîm nêbenê. Ez tîya ra veng dana êzidîyan, şer ame verê berê ma. Ganî ma pêro pîya wirzê payan ser û qicanê xo bipawê. Heta ke nê xayînî peyser biancîyê ma do têkoşîn bikerê. Sey dînê ma, hêzê ma Asayîş, YBŞ û YJŞ zî semedê ma xeta ma ya sûr a. Êzidîyî do ser bikewê.''