Delegasyonê Mîyanneteweyî yê Seba Çareserîya Meseleya Kurdan û Vera Tecrîdî zîyaretanê xo ra dima Rêxistina DEM Partî ya Îstanbulî de kombîyayîşê çapemenîye kerd.

Metnê kombîyayîşî de ame parekerdene ke heyetî dezgehê sey OHD û ÎHDyî, avûkatê Rayberê Şarê Kurdî, Nobeta Edaletî zîyaret kerdê. Heyetî da zanayene ke zîyaretan de xeylêk agahîyê serê zîndanan û rewşa tepişteyan de dîyayê înan.

Heyetî vat: ''Ma wina bawer kenê ke eke Abdullah Ocalan azad bibo şarê kurdî de  haştîyêka bitesîre do bêra viraştene. Ma do hinî abigêrê welatê xo û sere de Parlamentoyê Ewropa parlamentoyanê xo û mîyanê dezgehanê mîyanneteweyîyan de aktîf bibê. Ma do nê meseleyan bikerê rojdem. Ma do israrê Konseya Ewropa û dezgehanê sey CPTyî bikerê ke wa dewleta tirke erkanê xo bîyara ca. Ma derheqê dosyayanê ke avûkatanê Ocalanî dayê de CPTyî ra cewabî pawenê. Ma wazenê ke wa CPT seba vergirewtişê îşkenceyî û kerdişanê xiraban rolêkê raştikênî bîyaro ca.''