Hêzanê Kede û Demokrasîyî yê Dêrsimî Kuçeye Sanatî de derheqê tekîlîya dewlete-mafya ya ke badê vîdeoyanê îdarekarê çeteyan ê dewlete Sedat Pekerî de dahîna zelal bîye de eşkerayîye daye.

Bi nameyê Hêzanê Kede û Demokrasîyî Ergîn Tekînî qisey kerd.Tekînî bale ante sûcê ke vera şarê kurdî ameyî kerdene ser û vat: ''Îqtîdar û hukm yê ke nê îtîrafan nêvînayîşî ra yenê heme hêzê xo semedê qefilnayîşê HDPyî şuxulnenê. Hêrişê vera têkoşînê demokratîkî yê şarê kurdî sey vizêrî ewro zî dewam kenê. Nê hêrişî ramojnenê ke dewlete senî helisîya ya. Ma vera nê qewimîyayîşan bêveng nêmanenê. Ganî Suleyman Soylu karî ra bêro girewtene û bêro muhakemekerdene. Şerê sûcî ke vera şaran ameyî kerdene ganî berpirsîyarê ci verê rayapêroyîye de hesab bidê.Ganî şarê ma vera nê sîstemê helisîyayeyî têkoşînî pîlêr bikero.''