Goreyê xeberanê ke çimeyanê cayîyayan ra ameye girewtene dewleta tirke ya îşxalkere dewa Sergelê ya qezaya Amêdîye ya Duhokî da bombayan ver.

Netîceya bombardumanî de herême de şewato gird vejîya. Dîya zanayene ke şewat resayo dewe û cuyeya dewijan binê tehlukeyî de ya. Şarê herême vera şewatî û hêrişanê dewleta tirke semedê hetkarîya lezabeze veng da.

No şewat wexo ke dewleta tirke ya îşxalkere ver bi Başûrê Kurdîstanî sewqîyatê leşkerî yo gird kerd, ame kerdene. Rojanê ravîyarteyan de dîmenê sewqîyatê leşkerî yê girdî yo ke  ver bi qezaya Amêdîye yeno kerdene, amebî antene.

Dewleta tirke rîyê bêvengîya Bexdad û Hewlêrî ra dahîna aver şîye û Duhok de nuqûtayê kontrolî nayî ro, nasnameyî kontrol kerdî û xeylêk dewî bizorî kerdî veng.