Qezaya Artemêtî ya Wanî de 9ê gulana 2022yî de Makbule Ozer (81)  bi îdîaya ''hetkarîya rêxistine'' bi cezaya 2 serran û 1 menge ameye tepiştene. Cezaya Ozere  serrêke ameye peydeeştene û 7ê êlula 2022yî de ameye serbest veradayene. Serrêke ra dima dezgehê Tibê Edlîyî (ATK) raporê eşkena zîndan de bimano da û rayîrê zîndanî akerd.

Bado ke şarî û dezgehan vera nê qerarî zaf nêrazîbîyayîş mojna, Serdozgerîya Komare ya Wanî vat raporanê ATKyî de nanokî est a û waşt wa qerar newera bêro destgirewtene. Dozgerîye seba ke mabenê wird raporan de nanokî est a, dosya peyser ATKyî rê şawite û waşt wa raporo newe bêro şawitene. Heta ameyîşê raporê neweyî Makbule Ozer do mekewo zîndan.