Dozgerî semedê Hemşaredarê Şaristanê Pîlî yê Amedî yê HDPyî Selçuk Mizrakli yo ke wezîfeyê ci ame xespkerdene û bi îfadeyê îftîrakere Berna Ayverdî ame tepiştene bi îdîaya ‘endamîya rêxistene‘ heta 15 serran ceza waşte.

Dozgerî waşt ke  Mizrakliyî rê mabênê 7 serran û 6 mengan û  15 serran de ceza bêro dayene û heqê ci yê vîjnayîş û vîjyayîşî destê ci ra bêro girewtene. Roniştişê diyîn ê dewa do 10 sibate de bêro kerdene.

Hetê bînî ra Heyetê Rayberdişî yê Merkezê HDPyî derehqê babete eşkerayîyêke daye û  nêrazîbîyayîş ramot. HDPyî vat bi cazadayîşê Mirzrakliyî wazenê ke qeyûman sey meşrû  ramojnê la ê sekenê wa bikerê Hemşaredarê Amedî Mirzrakli yo û HDP do çirey verê hêrişê înan de çok nêdo.