Pîrê Ocaxê Şeyh Çobanî ra Zeynel Keteyî derheqê muneqeşayanê ke dormeyê cemxaneyan de yenê kerdene de PÎRHA reyde qisey kerd.

Zeynel Keteyî vat: "Elewîyan bi hesabanê matematîkî sînordarkerdiş mehkumkerdişê elewîtî ya. Ma elewî yê û ma yew komel ê. Eke derheqê elewîyan de çîyêk do bêro vatene ganî bêro zanayene ke no vatiş aîdê grûbêke nîyo. Vatişê musbetî yan zî xirabî pêro elewîyan eleqedar kenê. Estbîyayîşê elewîyan, xoverdayîşê înan, têkoşînê înan, bawerîya înan, tewirê înan têna bi cemxaneyan sînordarkerdiş tarzêko kêm o."

Keteyî îfade kerd ke verê statûdarbîyayîşê elewîyan de tay astengî estê û vat: ''Nê astengan ra yew zî qanûnê tekke û zawîyeyan o. Ganî no qanûn û Wezaretê  Karanê Dîyanetî bêrê wedartene.  Ganî madeya 442. zî bêra vurnayene. Eke wina vernîyazêk bêro dayene ma sey camîayê elewîyan do paştî bidê ci."