Emîne Şanyaşara ke di laj û mêrdeyê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde 78 rojî yo verê Edlîyeya Riha de nobeta edaletî kena.

Ewro polîsan bi bahaneya janê vîrusê Korona keyeyê Şenyaşarî baxçeyê edlîye ra vet teber. Keye verê barîyeran ê edlîye de nobeta edaletî rê dewam keno.

 Emîne Şenyaşar vist vîrî ke 2 lajê ci nêweşxane de ameyî qirkerdişê, lajê ci Fadil zî erzîya zîndanan û vat: '' Ez wazena wa lajê mi bêro veradayene. Çira qeydê nêweşxaneyî nênê eşkerakerdene? 3 mengî yo ma tîya de yê, çimê mi hînî nêvînenê. Ez seba Fadilî têkoşînê xo rê dewam bikera. Ma gêrenê heqê xo la fetilîyenê, yenê destbendkerdene. La kiştoxê tûtanê mi serbest gêrenê. Ez edalet wazena.''

Ferît Şenyaşarî zî vat: ''Birayê mi 3 serrî yo hucreyê yewkesî de tepişîyeno.O zî pê têkoşînê ma payan ser o vindeno. Ma seba birayê xo zî tîya de yê. Heta birayê mi nêro veradayene ma tîya de yê. Heta muhakemekerdişê edîlî têkoşînê ma yê edaletî do dewam bikero.''