Federasyonê Elewîyanê Demokratîkan (FEDA) derheqê afkerdişê  Ahmat Turan Kiliç o ke qetilkaranê Qirkerdişê Sîwasî  ra yo nêrazîbîyayîş de eşkerayîyêke daye.

Eşkerayîye de bale ameye antene ser ke 27 serrî yê derbê Qikerdişê Madimakî hema weş nêbîyî û ame vatene ke  sûcê ke vera merdimîye benê efkerdişê înan çîn o. FEDA vist vîrî ke seba ke milê xo verê îqtîdarî de çewt nêkerdo, tewrê xebatanê sîyasîyan bîyî û muhalîfê bi desan kesî zîndanan de yê û bi tabûtan zîndanan ra vejîyenê û vat: ‘‘Serokkomarê AKPyî nînan çîn hesibneno la qetilkaro dest gonînî serbest vera dano. Erdoganî Vera komelê elewîyan tewirê xo eşkera kerd. Na rewşe ramojna ke komelê ma senî binê tehlukeyê girdî de yo.‘‘