Roja pancşemeyî  qezaya Basa ya Şirnexî de kendalanê Koyê Gabarî de şewat vejîyabi.

Seba ke şewatî rê mudaxele nêame kerdene, bi tesîrê vayî şewat vilayê warêkê hîrayî bi.

Ame parekerdene ke şewat ver bi dewa Bûnisra şino ke na dewe serranê 90an de amebî xalîkerdene.

Derheqê sebebê şewatî de eşkerayîyêke nêameye kerdene la artêşa tirke herême de hema zî sey mesuldara şewatan yena dîyene. Vakurê Kurdîstanî de şewatî zafêr qestî ra hetê artêşa tirke ra yenê vetene û artêşa tirke nêverdena ke çew mudaxeleyê şewatî bikero.

Serranê verênan de dewa Zêwê de rîyê topanê qereqolê Akdîzgînî ra şewat vejîyabi û şewatî ra daristanê dewe wele bibî.