Herêmanê Pawitişî yê Medya de, tunelanê xoverdayîşî de gerîlayan pîya Newroze fîraz kerde. Fermandaranê HPGyî ra Egîd Reşîdî merasîmê leşkerîyî de qisey kerd.

Egîd Reşîdî vat: ‘’Newroza azadîye û Komelê Demokratîkî sere de Rayber Apoyî rê pêro şehîdan, şarê ma û embazan rê fîraz ba.Rayber Apoyî 27ê sibate de vengdayîşêk kerdibi. Ma nê vengdayîşî ra moralêko pîl girewt û no vengdayîş bi sereberzîyêka pîle pêşwazî kerd. 

Xoverdayîşê Rayber Apoyî yê Îmraliyî xêrê kedanê embazanê şehîdan ra yo. Ma seba azadîya Rayber Apoyî tewrê nê têgêrayîşî bîyî. Çunke azadîya ey azadîya Kurdîstan, şarê ma û pêro şaranê herême ya. Seba ma oyo girîng azadîya Rayber Apoyî yo. Coka heta ke o azad nêbo qet yew vate seba ma qîmetîn nîyo.

Ma sey gerîlayan hêrişanê namerdan de têrî yê. Ma rîyê kolonyalîstî yê dewleta tirke hol şinasnenê. Ma her wextî ra zafêr haştîye û çareserîya rûmetêne rê amade yê. Ma fedayîyê Rayber Apoyî yê. Ganî cade azadîya Rayber Apoyî bêra caardene.

Şarê ma manayêka girînge daye Newroza emserîne. Netîceyê kombîyayîşê serraneyî yê Konseya Fermandarîya HPGyî resayî ma. Ma hêrişê çewî nêkenê. La kam hêrişê ma bikero ma do bi xurtî cewab bidê ci. Eke haştî, azadî û çareserîyêka demokratîke est ba ma amade yê. La ma wayîrê ê hêzî yê ke xo, destkewteyanê xo û şarê xo bipawê. Na Newroze do biba Newroza azadîya Rayber Apoyî şarê ma û Kurdîstanî. Ma şarê kurdî yê rûmetêne selam kenê. Ma bi şîarê ‘yan azadî yan azadîye’ vanê; Bijî Rêber Apo.’’