Fermandarîya Qerargehê Merkezî ya YJA-Starî Roşanê Newroze fîraz kerd. Eşkerayîye wina ya:

‘’Rayber Apoyî 52 serrî verî Awbendê Çubukî de rojêka Newroze dest pê rayraşîyayîşê xo yê azadîye kerd. Serranê 80 û 90an de xeylê ganan bedenê xo kerd sotemenîya adirê Newroze. Kawayê Modernî Mazlûm Doganî ra heta Zekîye Alkan, Rahşane Demîrel û Sema Yuceyan xeylê kêna û lajanê kurdan bi bedenê xo nêverda ke adirê Newroze hewna şoro. 

Partîya ma PKK bi têkoşînê xo, bedelan û perwerîya Rayber Apoyî bi têgêrayîşêkê Newroze û roşanê şarê ma newe ra gandar kerd. Artêşa ma YJA-Starî xo bi qerardarîya Rayber Apoyî newe kerd. 

Rayber Apo ewro ancî hemleyêka newîye ray ra beno. Ewro Newroze bi selamê Rayber Apoyî mijdanîya azadîya şaran dana. Sey YJA-Starî ma peyê selam û vengdayîşê Rayber Apoyî de yê. Ma amade yê ke bi hawayêkê tewr aktîfî proseso ke Rayber Apoyî dayo destpêkerdene, tewrê ci bibê.

Sey YJA-Starî û têgêrayîşê azadîye ma heta ewroyî hertim seba Newroza şarê ma têkoşîn kerd û bedelî dayî. Ma do naye ra pey zî qetî bi heman armancî têkoşîn bikerê. Newroze bi Rayberîya Azade, Cinîya Azade û Komelê Azadî armancê têkoşînê ma yo. 

Ma pê bawer ê ke şarê ma heta peynî do paştî bido na hemle û na Newroze bi selamê Rayber Apoyî hîna manadar bikero. Sey fedayîyanê Rayber Apoyî ma ancî Newroze sere de Rayber Apoyî rê pêro keyeyanê şehîdan, dadîyanê haştîye, şarê xo rê û embazan rê fîraz kenê.

Newroz rûmeta neteweyî ye, ruhê serketina gelan e!
Newroz cejna rizgariya ji zilmê û mayîndekirina jiyana azad e!
Newroza nû pîroziya pêngava Rêbertî û jiyana nû ye!
Bijî Newroz!
Bijî Rêber Apo!
Jin Jiyan Azadî!"