Goreyê doneyanê fermîyan hûmara merdeyanê erdlerzî bîye 40

Goreyê doneyanê fermîyan ê dewleta tirke hûmara merdeyanê erdlerzê Xarpêtî bîye 40 û 1607 kesî birîndar bîyî. Hetê bînî ra kampanyayê paştdayîşî dewam kenê.

Goreyê doneyanê fermîyan ê dewleta tirke  hûmara merdanê erdlerzê Xarpêtî  bîye 40 û1607 kesî birîndar bîyî. Kampanyayê paştdayîşî zî dewam kenê. Hetê bînî ra hukmatî derheqê hesabanê medyaya sosyale de cipersayîş da destpêkerdene.

Wezîrê Weşîye Fahrettîn Kocayî derheqê rewşa peyêne de nê vatî: ''Hûmara merdayanê erdlerzê Xarpêtî resaye 40 û  1607 kesî birîndarê. 1607 kesan muracatê nêweşxaneyan kerd. Înan ra 86 kesî hema nêweşxane d eyê 18ê înan cayê nêweşîya girane de yenê tedawîkerdene. Keso/a ke rewşa ci giran a çîn o/a. Erdlez de 72 bînayî rijîyayî. 514 bînayan de xesaro giran, 409 bînayan de zî xesaro tay û şenik esto.  Kesê ke bananê înan de xesar esto do înan 41 TL hetkarî bêro kerdene.''

Koordînasyonê Bajarê Amedî yê TMMOByî zî raporê xo yê derheqê erdlerzî eşkera kerd. Ame vatene ke seba ke bînayî bê kontrol ameyî viraştene rijîyayî. Hetê bînî ra  rayberîya TOBBî de  Amed ra di kamyon hetkarî Xarpêt rê ame şawitene. Mersîn de zî semedê paştdayîşê Xarpêtî hetê xabatkranê Atolyeya Hunerî ya Ozgunî ra kampanyayêke ameye destpêkerdene. Hetê bînî ra Serdozgerîya Komare ya Anqara derheqê 50 kesanê ke medyaya sosyale de derheqê erdlerzî de parekerdişî kerdî tehqîqat da destpêkerdene.