Guvene: Kurdî do bibê wayîrê statuyî

Hemsereka KCDyî Leyla Guven Anqara de çalakîye de qisey kerd û vat: "Seserra 21. de kurdî do bibê wayîrê statuyêkî. Mesela kurdan mesela mîyanneteweyî ya."

Platformê Kurdanê Anatolîya Mîyanêne Anqara de kafeyêk de çalakîyêke kerde û Hemsereka KCDyî û Wekîla Colmêrgî Leyla Guven û Wekîla HDPyî ya Anqara Fîlîz Kerestecîoglu tewrê çalakîye bîyî.

Leyla Guven meydanê çalakîye de qisey kerd û vat: ''Têna kurdî ney pêro dinya prosesê vurnayîşî de yo. Birêz Ocalanî vatbi 'Ez eşkena hewteyêk de na mesele çarser bikera.' La reyna eşkera kerd ke dewleta tirke çend rîyakar a û mîyanê şaştîye de ya. Vanê 'PKK şer de israr keno' la no rast nîyo. Tecrîd newe ra ame girankerdene. Çunke Birêz Ocalanî bi projeyanê xo verê rewşa alozîye girewtêne. Coka vengê ey birnenê. Felsefeya ci dinya de vila bîye. Seserra 21. de kurdî hînî do bibê wayîrê statuyî, na mesele hînî ma ra vejîyaye. Mesela kurdî hîna mesela mîyanneteweyî ya. Rayîr derg o beno ke astengî zî do bibê labelê rayêko rûmetîn o.''