Parlamentera Partîya Çepe Gokay Akbulute çend roje cuya verî 'herêma biasayîşe' ya ke Enqere û Washington ser pê kerd derheqê aye de û derheqê tehdîtanê Serekkomaro Tirk Recep Tayyîp Erdoganî yê verba Rajawanê Kurdistanî û Vakurê Sûrîye de Daîreyê Xizmetanê Zanistî yê Meclîsê Federalî rê perskerdibi.

Daîreyo ke asta pisporî de yo derheqê 'herêma biasayîşe' de raporêk amade kerdo ke herême goreyê qanûnanê mîyanneteweyîyan a yan nê û ser têgêrayîşê Almanya yê verba tehdîtanê îşxalkerdişê Erdoganî yo. Raporî de ke maneno xeberanê kilmanê ke medyaya komelkî  de ameyî weşanene, derheqê plananê hêrişî yê Tirkîya yê verba vakurê Sûrîye de ame îfadekerdene ke yew zanayîşo xurt çin o. Pisporanê ke rapor amade kerdo derheqê munaqeşeya 'herêma biasayîşe' de pozîsyonê Almanya eşkere nêkerdo û sernameyê hukmatê bi serekwezaretîya Angela Merkele beyanatêko winasîndayo: "Hukmato Federal wayîrê nê zanayîşî nîyo ke sinorê Tirkîya û Sûrîye de rewşêk tesbît biko." Daîreyê Xizmetanê Zanistî ya Meclîsê Federalî derheqê tehdîtanê dewleta Tirkî yê verba Rojava û Vakurê Sûrîye de zî qisey kerd û dîyar kerd; rewşêka ke hewceyê pawitişo 'meşrû' yo çin a û xeberê medyaya ardî vîrî ke derheqê tepîyagirewtişê çekanê giranan ê qewetanê YPG'yî de bî.