HBDH’yî çalakîya Akşehîrî girwte xo ser
HBDH’yî da pêhesnayene ke çalakîya 10’ê Tebexe ya ke qezaya Akşehîrî ya Konya de vera konvoyê malzemeyê ekserîyî ameye viraştene, hêzanê înan varaşta.
HBDH’yî da pêhesnayene ke çalakîya 10’ê Tebexe ya ke qezaya Akşehîrî ya Konya de vera konvoyê malzemeyê ekserîyî ameye viraştene, hêzanê înan varaşta.
Têgêrayîşê Şorişgêrî yê Yewbîyayeyî yê Şaran (HBDH) da pêhesnayene ke çalakîya 10’ê Tebexe ya ke qezaya Akşehîrî ya Konya de vera konvoyê malzemeyê ekserîyî ameye viraştene, hetê yewîyanê qesasî yê Alîşer Xelîkan, Ûlaş Bayrakoglu û Bayram Namazî yê HBDH’yî ra ameye viraştene,
HBDH’yî vat: ‘’Yewîyê ma resayê îstîbaratê konvoyê eskerîyî yo ke çarçeweya operasyonê îşxalî yê xeta sînorî yê îqtîdarê faşîstî yê AKP-MHP’yî û goreyê naye amadekarîya xo kerde û bi hawayêkê serkewteyî hedefê xo îmha kerd. Netîceya teqayîşan de aqibetê eskeranê ke wesayîtan de bî, sey Reyhanli hetê îqtîdarî ra yeno nimitene. Hetê hêzanê ma ra ame tesbîtkerdene ke xeylî merde û birîndarî estî. Yewîyê ma bi serkewtişî agêrayê bargehanê xo.’’