Hetkarê hemserekê pêroyî yê Partîya Şaran a Demokratîke (HDP) Azad Barişo ke berpirsîyarê Çapemenî Waşan û Propaganda yê partîye yo da zanayene ke badê derbeya qeyûmî çapemenîya paştgêrê AKP’yî zî kewte dewre.

Eşkerayîye de ame vatene ke Ajansê Anadolû yo ke bi bacê şarî xo fînanse keno sereyê derbeye anceno û ca dîya nînan: ‘’ Ajansê Anadolû  xebera zure ya ‘ Dayîk a ke lajê ci ame remnayene û koyî rê ame şawitene, vernîya banê HDP’yî de nobete tepişena’ serwîs kerd la zura înan ca de vejîyaye werte.M. A yo ke yeno vatene ke ameyo remnayene, Amed de dezgehanê çapemenî rê eşkera kerd ke o Amed de yo û semedê meseleyanê xo yê taybetî keyeyê xo ra remayo. La rixmê naye ê xebare xo ya zure rê dewam kenê. Ajansê Anadolû  bi xaberanê zuran şarî xapîneno û goreyê îqtîdarî têgêrêno.’’