Partîya Demokratîke ya Şaran (HDP) 6ê tebaxe de Warê Îstasyonî  yê Amedî û 7ê tebaxe de Kartalê Îstanbulî de bi şîarê 'Çareserî ma yê, şer û îşxalî rê ney' mîtîng organîze kerd. HDPyijan semedê tewrbîyayîşê mîtîngan veng da.

Amed û qezayanê ci de bi hewayêkê seferberîye xebatî yenê kerdene. Vizêr  qezayanê Sûr, Peyas û Rezan de xebatî ameyî kerdene. Wekîlê HDPyî Huseyîn Kaçmaz, Dersime Dag, Erdal Aydemîr, Felanase Uca, Hasan Ozguneş, Sezai Temelli, Nusrettin Maçin û Remziye Tosun şar zîyaret kerd û semedê tewrbîyayîşê mîtîngî veng da. Wekîlan waşt wa şar Warê Îstasyonî de bêro têhet û vera şerî vengê xo berz bikero.

Reyna Sêrt, Êlih û bajaranê bînan ê dormeyî de zî semedê tewrbîyayîşê mîtîngê Amedî ame vengayene.