Vervatoxa Komîsyona Multecî û Koçberan a HDPyî Gulsum Agaoglu derheqê 13 multecîyan de ke qezaya Ebexî ya Wanî de cemidîyayîşî ra merdî eşkerayîyêka nuştekîye daye.

Eşkerayîye wina ya:

''Wan seke bîyo merkezê derbazbîyayîşê multecîyan ê îranijan ke nê menganê peyênan de nêzdîyê 100 multecîyî tede merdî. Ewro zî cenazeyê 13 multecîyanê ke wexto ke sînorê Îranî ra derbazê Wanî bîyêne cemedîyayîşî ra merdî Ebex de ameyî dîyene. 

Na tarjedîya 13 multecîyan sey şermê merdimîye do bêra vîrardene. Mumkîn nîyo ke nê cerg ê ke qaçaxçîya merdiman kenê bêxebera dewlete nê karî bikerê. Mesuldarîyê serekî yê mergê nê merdiman Tirkîya û Îran ê.

Reyna sere de Komîserîya Berze ya Multecîyan a Neteweyanê Yewbîyayeyan ganî pêro dezgehê mîyanneteweyî û rayaumûmîye seba ke verê trajedîyanê sînorê Îran-Tirkîya bêro girewtene înîsîyatîfêk bigêrê.

Coka zag girîng û krîtîk o ke cergê bazirganîya merdiman ê ke hetê hukmatanê Îran û Tirkîya ra yenê paştdayene bêrê çinkerdene. Ganî cade tehqîqatî bêrê kerdene ke nê cergê bazirganîya merdiman bêrê eşkerakerdene ke mesuldarê mergê multecîyan ê.

Ma sey HDP venga hukmatanê Îranî û Tirkîya danê ke bi polîtîkayanê ke heqanê merdiman esas gênê û rûmetê merdimîye pawenê na mesele çareser bikerê.