Seba şermezarkerdişê qirkerdişo ke dewleta tirke Şengal de kerd temsîlkaranê dezgehanê Kurdîstanî yê Armenîstanî; Kurdanê Oktonberyan, Elegaz, Talîn, Eşterek Ebovîyan, Erîvan û dormeyê ci meydanê Komare yê patext Erîvanî de çalakîyêke kerde.

Çalakîye de posterê Rayberê Şarê Kurdî Abdullah Ocalanî, fotografê 4 şerwananê YBŞyî yê ke hêrişê dewleta tirke de şehîd bîyî, alayê YBŞ, YJŞ, YPG, KCK, YPJ û PKKyî ameyî kiriştene û sloganê ''Serek Apo'', ''Şehîdî nêmirenî'', ''Biciwîyo xoverdayîşê Şengalî'' û ''Faşîst Erdogan'' ameyî vatene. Çalakîkerî ver bi Neteweyanê Yewbîyayeyan rayîrî ra şîyî.

Temsîlkaranê dezgehanê kurdan ser o Hemserekê Yewîya Kurdan a Armenîstanî Kinyas Hasanovî, Hemserekê Kurdîstan Komîte Silo Dirboyan, Meclîsê Kurdîstan Komîte Sêroj Çarçoyanî û hunermende Dîlbera Wekîl eşkerayîye daye çapemenîye. Eşkerayîye de girîbgîya yewîya neteweyîye ameye vîrvistene û ame vatene ke ganî êzidîyî bêrê têhet û bibê yew.Çalakîkeran vera bêvengîya raya umûmîye ya mîyanneteweyîye nêrazîbîyayîşê xo mojna. Çalakîye bi sloganan qedîyaye.