Şorigêrê kurdî Sakîne Cansiz, Fîdane Dogan û Leyla Şaylemez Fransa, Îtalya û Almanya de ameyî yadkerdene.

Roma

Paytextê Îtalya Roma de Qirkerdişê Parisî Sersefîrîya Fransa de ame şeremezarkerdene. Kurdî û dostê xo tewrê çalakîye bîyî û înan seba ke bale biancê rolê dewleta Fransa bi Qirkerdişê Parisî çelengo sîya verê Sersefîrîye de rona. Çalakîkeran bale ante pêgoşîya hukmatê Fransa û îfade kerd ke ê do bibê teqîbkerdoxê na dewa.Dima heyetêkê çalakîkeran dosyayêka derheqê qirkerdişî de teslîmê selahîyetdaranê Sersefîrîye kerde.

Strasbourg

Şaristanê Strasbourgî yê Fransa de Merkezê Komelê Demokratîkî yê Kurdan de bi înîsîyatîfê Cinîyanê Zîne merasîmêkê yadkerdişî ame kerdene. Çalakîye de dewleta tirke ameye şermezarkerdene. Meydanê Kleberî de zî findî ameyî tavistene û vilawekî ameyî vilakerdene.

Dortmund

Şaristanê Dortmundî yê Almanya de bi rayberîya cinîyanê FEDA çalakîya yadkerdişî ameye kerdene. Deqayêkê rêzgirewtişî ra dima derheqê têkoşînê azadîye yê cinîyanê kurdan de sînevîzyonêk ame mojnayene. Nameyê TJK-E ser o Zelale Amed qisey kerd û vat: "Cinîyanê kurdan bi rayberîya xoverdayîşî bîyî awankerdoxê şorişê cinîyan ê Rojawanî."