Huqûqnas Ercan Kanarî tecrîdê vera Rayberê Şarê Kurdî Abdullah Ocalanî ANFyî rê ercna. Kanarî serra 1999î de 11 reyî zîndanê Îmraliyî de Ocalan zîyaret kerdbi.

Ercan Kanarî bale ante prosesê afernayîşê Krîteranê Mandelayî ser û vist vîrî ke serra 1955î de krîterî hetê Neteweyanê Yewbîyayeyan ra ameyî îlankerdene la 2015 de nê krîterî ameyî revîzekerdene.

Kanarî îfade kerd ke goreyê nê krîteran ganî tepişteyî maruzê cîyakerîye mebê, hucreyê yewkesî de nêmanê, werdiş û şimitişê tepişteyan nêrê astengkerdene, tepişteyan rê kontrolê tipî bi sîstemîtîkî bêrê kerdene ûsn.

Kanarî vat: ''Nê krîterî seba Mehkemeya Heqanê Merdiman a Ewropa (MHME) derbazdar ê la Tirkîya qetî nînan nêana ca. Heqê merdiman û nê krîterî verî Îmrali de yenê binpaykerdene û dima uca ra zî derbazê zîndananê bînan benê. Wexto ke ma şîyêne Îmrali ma raştê kerdişanê vera rûmetê merdiman ameyêne. La o çax zî muxalefet vera nê kerdişan, baroyî zî bêveng mendbi. Têna îdareyê Baroyê Îstanbulî ra avûkat Yucel Saymanî dewa akerbi la a dewa zî amebî redkerdene.''

Kanarî ard ziwan ke 30ê teşrîna peyêne û 2ê kanûne de Komîteya Wezîran a Konseya Ewropa do binpaykerdişê heqan ê vera Ocalanî nîqaş bikera. Ganî komîte na babete de Tirkîya hîşyar bikera. Beno ke Tirkîya endamîya komîte ra zî bêra vetene. Komîte pêşnîyaz kena ke cezaya muebede ya vera Ocalanî ganî newe ra bêra ercnayene û cezaya 8 serran yan zî 14 serran bêra dayene ci. Goreyê ney ganî Tirkîya cezaya ke dabî Ocalanî newe ra biercna.''