Qeyûm Mehmet Emîn Bîlmezo ke Şaredarîya Wanî xesp kerd, karê ci yo verên oyo ke Ulker Cem Kaplano ke 2 serrî cuwa ver qiseykerdişê ci yê bertîlî vejîyaybî werte, o sey mudirê VASKÎ tayîn kerd.
Qeyûm Mehmet Emîn Bîlmezo ke Şaredarîya Wanî xesp kerd, Ulker Cem Kaplano ke bi karanê xo yê leyşinan yeno zanayene kerd mudirê VASKÎ.
Ulker Cem Kaplan wextê xespkarê verênî, qeyûm Mûrat Zorlûoglû yo ke Şaredarîya Wanî xesp kerd de hetkarê sekreterê pêroyîyî yê şaredarîye bi û bi qeydanê vengî amebi îspatkerdene kê Kaplan bertîl gêno û karanê leşinan keno. Qeyûm Mehmet Emîn Bîlmezo ke Şaredarîya Wanî xesp kerd, Kaplano ke bi karanê bêhuqûqî û leyşinan yeno zanayene sey mudirê Îdareyê Awe û Kanalîzasyonê Wanî (VASKÎ) tayîn kerd.
Hemwelatij Mehmet Nurî Bozkûrto ke pêrar wextê qeyûmê verênî de semedê karêk muracatê şaredarîye kerd, rixmo ke heme dosyayê ci hedre yê muracatê ci nêame qebûlkerdene. Ulker Cem Kaplano ke o wext sekreterê pêroyîyî yê şaredarîye bi Bozkurtî ra bertîl waşt. Bozkûrtî pêvînayîşêkê înan girewt binê qeydî. La rixmo ke bi qeydî karê Kaplanî yê leyşinî vejîyayî werte, Kaplano ke hetê qeyûmî ra ameyêne pawitene karê ci ra nêame eştene û nêame cezakerdene. Nika zî qeyûmê îtîdarî Mehmet Emîn Bîlmezî Kaplan VASKÎ rê kerd mudir.
