Hemserekîya Konseya Rayberdişî ya KCKyî derheqê hêrişanê îşxalî yê dewleta tirke de eşkerayîyêke daye. Eşkerayîye wina ya: ''

''Dewleta tirke ya qirkere û kolonyalîste dima ke Sûrîye de rejîmê Baasî rijîya hêrişê îşxalî zêdînayî û hêrişê vera Pirdê Qereqozaxî û Awbendê Tişrînî xorin kerdî. Dewleta îşxalkere şaro ke seba pawitişê ci şîyo awbendî kena hedef. Nê hêrişan de 6 kesî şehîd bîyî û bi desan kesî birîndar bîyî. Ma nê hêrişan bi şîdetî şermezar kenê. Ma şehîdanê Tişrînî bi rêz û minetî yad kenê. Şarê Rojawanî rixmê hêrişan zî ver bi Tişrînî şi û perwerîya xo eşkera kerde. Mîyanê şehîdanê Tişrînî de hunermend-kaykerdox Cuma Xelîl (Bavê Teyar) zî est o ke ey şehadetê xo ra verê cû vatibi 'Ma şima ra nêtersenê, bedelê ci çi beno wa bibo ma do xover bidê.' Tewirê ey tewirê pêro şaranê Rojawanî zî eşkera kerd. Ma ey yad kenê, verê cesaret û perwerîya ey de sereyê xo nanê war. Ganî şarê Rojawanî tim biheriko Tişrînî û wayîrê şehîdan vejîyo. Sere de şarê Kurdîstanî yo welatperwer ganî pêro şarî û hêzê demokratîkî zî bi xurtî paştî bdiê şarê Rojawanî, hêrişanê çeteyanê SMOyî û dewleta tirke protesto bikerê û vera nê hêrişan tewirêkê tewr xurtî bimojnê. Ma venga her kesî danê ke nê esasî ser o bi xurtî tewir bimojno û têbigêro.

Dima ke rejîmê Baasî rijîya hêvîyî aferîyayî ke pêkewtişî biqedê û şarî pîya bi têdûştî Sûrîye înşa bikerê la hêrşê dewleta tirke û çeteyanê SMOyî nê hêvîyan hedef kenê. Dewleta tirke seba ke Sûrîyeyêka demokratîke awan nêba nê hêrişan kena. Coka pêro terefgîrê yewîya Sûrîye û Sûrîyeya demokratîke ganî vera nê hêrişan vejîyê. Hêrişê dewleta tirke û çeteyanê Sûrîye vera serdestîya şaran û huqûqê mîyanneteweyî yê. Nê hêrişî meşrû nîyê, îşxalker ê û qirkerdiş ê. Ma qebul nêkenê ke vera nê hêrişan çew bêveng bimano. Neteweyê Yewbîyayeyî, Yewîya Ereban û Hêzê Koalîsyonê Mîyanneteweyîyî ganî vera hêriş û qirkerdişanê dewleta tirke bêveng nêmanê û tewir bigêrê.''